Sunday, January 27, 2019

ಕುಸಲ್ದರಸೆ ನವೀನ್ ಅಣ್ಣೆ ಬಿರುವೆರ್ ನ ಪೆರ್ಮೆ

January 27, 2019 0 editor

ನವೀನ್ ಡಿ ಪಡೀಲ್^[೧] ಮೇರ್ ತುಳು ರಂಗಭೂಮಿದಜನಪ್ರಿಯ ಕಲಾವಿದೆರ್. ಮೇರೆನ್ ಮೆರ್ನ ಅಭಿಮಾನಿಲು ಮೋಕೆಡ್ ’ಕುಸಲ್ದರಸೆ’ ಪಂಡ್ ದ್ ಲೆಪ್ಪುವೆರ್. ಮೇರ್ ಪಾತ್ರ ಮಂತಿನ ನಾಟಕೊಲು - ಆಟದ ಉಲಯಿ ಆಟ, ಒರಿಯರ್ದೊರಿ ಅಸಲ್, ಪುದರ್ ದೀತಿಜಿ, ಗಂಗುನ ಗಮ್ಮತ್ತ್. ಸುರುಕು ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಮೆರ್ನ ನಾಟಕ ತಂಡೊಡು ಇತ್ತಿನ ಮೇರ್ ಬುಕ ಚೂರು ದಿನ ದೇವದಾಸ್ ಕಾಪಿಕಾಡ್ ಮೆರ್ನ ನಾಟಕ ತಂಡಡ್ ಇತ್ತೆರ್. ಇತ್ತೆ ಮೇರೆ ’ಲಕುಮಿ ಕಲಾವಿದೆರ್’ ಪಂಡ್ ದ್ ಒಂಜಿ ನಾಟಕ ತಂಡ್ ಸುರು ಮಲ್ತ್ದೆರ್. ಮೇರ್ ನಿರ್ದೇಶನ್ ಮಲ್ತಿನ ನಾಟಕೊಲು - ಅಂಚಿಲತ್ತ್ ಇಂಚಿಲತ್ತ್,...ಮಲಯಾಳದ ಜನಪ್ರಿಯ ನಿರ್ದೇಶಕೆ ಅಡೂರು ಗೋಪಾಲಕೃಷ್ಣ ಮೆರ್ನ ನಿರ್ದೇಶನದ ಮಲಯಾಳ ಚಿತ್ರ ’ವಿಧೇಯನ್’ ಡ್ ಮೇರ್ ಒಂಜಿ ಪಾತ್ರ ಮಲ್ತಿತ್ತೆರ್‍. ಬುಲೆವೊಂದಿಪ್ಪುನ ತುಳು ಸಿನೆಮಾ ರಂಗೊಡ್ ನವೀನ್ ಡಿ.ಪಡೀಲ್ ಮೆರೆನ ಪಾತ್ರ ಮಲ್ಲ.ಪುಗಾರ್ತೆ ಪಡೆಯಿನ ತುಳು ಹಾಸ್ಯ ಕಲಾವಿದೆರೆಡ್ ನವೀನ್ ಡಿ.ಪಡೀಲ್ ಮೇರ್ಲ ಒರಿ.ಇತ್ತೀಚೆಗ್ ಪ್ರಸಿಧಿ ಪಡೆಯಿನ ತುಳು ಸಿನೆಮಾ "ಚಾಲಿಪೋಲಿಲು"ಡ್ ಮೆರೆನ ಪಾತ್ರ ಬಾರಿ ಪೊರ್ಲು ಆದಿತ್ಂಡ್.ಅಂಚೆನೆ "ಎಕ್ಕಸಕ" ಸಿನಿಮೊಡ್ಲ ಮೇರ್ ಪಾತ್ರ ಮಲ್ತ್ದ್ ಇತ್ತೆರ್.ಈತೆ ಅತ್ತ್ ತೆರೆಕ್ ಬರೊಂದುಪ್ಪುನ ಮಸ್ತ್ ಸಿನಿಮಾಡ್ ಮೆರ್ ನಟನೆ ಮಲ್ತೊಂದುಲ್ಲೆರ್.ಕುಡ್ಲ ಕೆಫೆ ಸಿನಿಮಾ ದ ನಟನೆಗ್ ರಾಜ್ಯ ಪ್ರಶಸ್ತಿ ಲ ತಿಕುದುಂಡ್.ಮಜಾ ಟಾಕೀಸ್ ಡ್ಲ ರಾಜ್ಯದ ಜನತೆನ್ ತೆಲಿಪಾವುನ ಬೇಲೆ ಮಲ್ತೊಂದು ಉಪ್ಪುನ ಮೇರ್ ನನಲಾತ್ ವರ್ಷ ನಮಕ್ ಮನೋರಂಜನೆ ಕೊರ್ಪುನ ಬೇಲೆ ಮಲ್ಪಡ್ ಹೆಚ್ಚಿನ ಯಶಸ್ಸು ತಿಕ್ಕಡ್ಕ್ ಮೆರೆಗ್ ನಮ್ಮ ಬಿಲ್ಲವೆರ್ ಪೇಜ್ದ ಪರವಾದ್ ಉಡಲ್ ದಿಂಜಿ ಸೊಲ್ಮೆಲು.