www.facebook.com/nammakaup
"#ಬಿರುವೆರ್_ಕಾಪು" ಪನ್ಪಿನ ವಾಟ್ಸಪ್ಪ್ ಗ್ರೂಪುನು ಬಾಲಕೃಷ್ಣ ಆರ್ ಕೋಟ್ಯಾನ್ ಕಾಪು ಮೆರೆನ ಮುತಾಲಿಕೆಡ್ ಎಂಕುಲು ಅರೆನ ಸಂಗಡಿಗೆರು ಬಂಗೋಡು ಇಪ್ಪುನ ಬಿಲ್ಲವ ಸಂಸಾರೊಗು ಸಹಾಯ ಮಲ್ಪುನ ದೃಷ್ಟಿಡು ರಚನೆ ಮಲ್ತುದ... ಈ ಗ್ರೂಪ್ ರಚನೆ ಮಲ್ತುದು ಒಂಜಿ ವರ್ಷ ಕರಿಂಡು.. ಬಿರುವೆರ್ ಕಾಪುದ ಮಾತ ಜವನೆರ್ ಅಗಲ್ನ ಕೈಟ್ ಆಪೀನಾತ್ ಸತ್ಯಾನುಸಾರ ಕೊರ್ದು ಬಡವೆರ್ನ ಪಾಲುಗು ಆಶಾಕಿರಣ ಆಕ ಪಂಡುದ್ ಈ ಗ್ರೂಪುನ್ ಮಲ್ದೇರ್.. ಪೋಯಿ ತಿಂಗೊಳ್ ಡಿಸೆಂಬರ್ಡ್ ವಿಜೇಶ್ ಕೋಟ್ಯಾನ್ ಕೂಳೂರು ಮೆರೆನ ಪಲ್ದಿನ ಮದಿಮೆಗ್ 56,601/- ರೂಪಾಯಿ ಧನಸಹಾಯ ಮಲ್ತ್ ಇತ್ತೇರ್...
ದಿ!! ವೀಜೇಶ್ ಕೋಟ್ಯಾನ್ ಕೂಳೂರು..
ಮೇರೆನ ಅಕ್ಕನ ಮದೀಮೆಗು ಕಾಸು ಒಟ್ಟು ಮಲ್ತಿನ ವಿಚಾರ ದಾದ ಪಂಡ..
ವೀಜೇಶ್ ಕೋಟ್ಯಾನ್ ಮೇರು *education loan* ಮಲ್ತ್ ಕಾಲೇಜು ವಿದ್ಯಾಬ್ಯಾಸ ಮುಗೀತುದು ನನ ತನ್ನ ಅಕ್ಕನ ಮದಿಮೆ ಸಾಲ ಮಲ್ತ್ದು ಅಂಡಲ ಮಲ್ಪೋಡು ಪಂದು ಡಿಸೆಂಬರ್ 12ಗು ದಿನ ದಿದ್ ಈತ್ತೇರ್..
ಮದಿಮೆದ ಕೆಲಸ ಅಯೀನೆ ವೀಜೇಶ ತಾನು ಬೇಲೆಗು ಸೇರೂನ ನಿರ್ದಾರ ಮಲ್ತ್ ಇತ್ತೇರ್..
ಇಂಚ ಉಪ್ಪನಗ ಉಂದುವೇ ಪೋಯಿನ ನವೆಂಬರ್ ತಿಂಗೊಳ್ಡ್ ತನ್ನ ದೋಸ್ತಿನ ಓಟ್ಟುಡು ರಾತ್ರೇದ ಪೋರ್ತುಡು ಓಡೇಗ ಪೋದು ಬನ್ನಾಗ.. ರಡ್ಡು ಬೈಕ್ಲು ಎದುರು ಎದುರು ತಾಂಟುದು ಬರೀಟ್ ಇತ್ತಿನ 20 ಫೀಟ್ದ ತೂದೇಕು ಬುರುದು ಅಲ್ಪನೆ ದೈವಧೀನಾರಾಯೆರು ಪಂದು ಪನರೆ ಬಾರಿ ಬೇಜಾರಪುಂಡು..
ಬಾರಿ ಏಲ್ಯ ಕುಟುಂಬ.. ಕುಟುಂಬದ ಜವಬ್ದಾರೀಲಾ ವೀಜೇಶನ ಮೀತ್ತೇ ಇತ್ತುಂಡು.. ಅಮ್ಮೇರ್ ಟೈಲರ್ ವೃತ್ತಿ ಮಲ್ತೋಂದು ಈತ್ತೇರ್.. ಅರೇಗ್ಲ ಅಚಾನಕ್ ಬೆರಿ ಬೇನೆ ಸುರು ಅಂಡು ಅಂಚ ಆರ್ಲ ಇಲ್ಲಡೇ ಕುಲ್ಲೀಯೇರ್.. ಬಾಡಿಗೆದ ಇಲ್ಲಡು ಇತ್ತಿನ ಕುಟುಂಬ ಅವ್.. ವೀಜೇಶೆ ಕ್ಯಾಟರಿಂಗ್ ಪೋದು ಬತ್ತಿನ ಕಾಸುಡು ಇಲ್ಲದ ಕರ್ಚೀನ್ ತೂವೋಂದು ಇತ್ತೇ..
ಅಂಚ ವೀಜೇಶನ ಕುಟುಂಬಗು ಆಯೇ ಈಜ್ಜೇ ಪನ್ಪೀನ ಬೇನೇನ್ ಮಜಾರೇಗು.. ಬಿರುವೆರ್ ಕಾಪುದ ಮುಖಾಂತರ ಮಲ್ತಿನ ಏಲ್ಯ ಪ್ರಯತ್ನ.
ಅಂಚನೆ ಈ ತಿಂಗೊಲ್ಡು ಬಿರುವೆರ್ ಕಾಪುದ ಜವನೆರ್ ಬೆರಿಸಾಯ ಕೊರ್ರೆಗ್ ಇಪ್ಪುನ್.. ಕುಲ್ಲರೆ ಸ್ವಂತ ಇಲ್ಲ್ ದಾಂತೆ ಮೂಜಿ ಜನ ಬುದ್ದಿ ಮಾಂದ್ಯ ಜೋಕುಲೆನ್ ಬಿಡಿ ಕಟ್ಟ್ದು ಸಾಂಕೊಂದು ಇಪ್ಪುನ ಪೇಜಮಾಡಿದ ಜಯಂತಿ ಅಕ್ಕ ಮೆರೆಗ್... ಬಿರುವೆರ್ ಕಾಪು ವಾಟ್ಸಪ್ ಗ್ರೂಪ್ದ ಮುಖಾಂತರ ಪಣವುದ ಸಹಕಾರ ಕೊರ್ರೆ ಮನಸ್ ಮಲ್ಲ ಇತ್ತಿನಗುಲ್ ದಯದಿದ್ ಕಾಮೆಂಟ್ ಮಲ್ಪುಲೆ...
#nammakaup
#ನಮ್ಮಕಾಪು
0 comments: