ತುಳುನಾಡುಡ್ ನಮ್ಮ ಹಿರಿಯಕ್ಲೆನ ಪ್ರತಿಯೊಂಜಿ ನಂಬಿಕದ ಪಿರಾವುಡ್, ಆಚರಣೆದ ಪಿರಾವುಡ್ ವಾಸ್ತವ ಸತ್ಯ ಉಂಡು,ವೈಜ್ಞಾನಿಕ ಕಾರಣ ಉಂಡು..ಆಂಡ ಬೇಜಾರ್ದ ಸಂಗತಿ ದಾದ ಪಂಡ ನಮ ಅವೆನ್ ತೆರಿಯೊನರ ಪೋಪುಜ ದಾದನ ನಮ್ಮ ಹಿರಿಯಕ್ಲು ಮಲ್ತೊಂದು ಬೈದೆರ್ ಅಗುಲು ಮಲ್ದೆರತ ಪಂದ್ ಅವನ್ ಅಗ್ಲೆನ ಮಿತ್ತುದ ಗೌರವಡ ಅತ್ತ್ ಪೋಡಿಗೆಡ ಗೊತ್ತುಜ್ಜಿ ನಮಕ್ ತೆರಿಲೆಕ ದುಂಬು ಕೊನೊವೊಂದುಲ್ಲ ಅಂಚೆನೆ ಒಂಜಿ ವಿಷಯ ತೂಪುನಾಂಡ "ಗೆಜ್ಜೆಕತ್ತಿ"..
ಇನಿಕ್ ಮದಿಮೆದ ಇಲ್ಲಡ್ ಮದಿಮಾಲೆನ ಕೈಟ್ ಆವಡ್ ಅತ್ತುಂಡ ಬಂಜಿನಾಲ್,ಪೆದ್ಮೆದಿ ಪೊಂಜೊವುಡ..ತೊಟ್ಟಿಲ್ಡ್ ಕುಂಟುದ ಅಡಿಟ್ ಒಂಜಿ ಕಿನ್ಯ ಕತ್ತಿದಲೆಕನ್ನ ತೂವರೆ ತಿಕ್ಕು..ಅವ್ವೆ ಗೆಜ್ಜೆತ್ತಿ...ಗೆಜ್ಜೆಕತ್ತಿ ಪಂಡ ಅವ್ವ್ ಪೊಣ್ಣನ ಸ್ವ ರಕ್ಷಣೆದ ಸಂಕೇತ...ಇನಿತ್ತ ದಿನಟ್ಪ್ ಪೊಣ್ಣನ ರಕ್ಷಣೆಗಾದ್ ಆಲ್ ಕರಾಟೆ ಕಲ್ಪೊಡು,ಪೆಪ್ಪರ್ ಸ್ಪ್ರೇ ದಿಯೊನೊಡು ಇಂಚೆನೆ ಕೆಲವು ವಿಷಯಲೆನ್ ಆಲ್ನ ರಕ್ಷಣೆದ ಬಗೆಟ್ಟ್ ಯೋಚನೆ ಮಲ್ತೊಂದುಲ್ಲೆರ ಅವೆನ್ ದುಂಬೆ ನಮ್ಮ ಹಿರಿಯಗುಲ್ ಯೋಚನೆ ಮಲ್ದೆರ್..ಅಂಚಾದೆ ಈ ಗೆಜ್ಜೆಕತ್ತಿ...ಪೊಣ್ಣನ ರಕ್ಷಣೆಣ್ ಆಲೆ ಮಲ್ತೊನೊಡು ಪನ್ಪಿನ ಸಂಗತಿನ್ಲ ಮುಲ್ಪ ತೂವೊಲಿ.ದುಂಬುದ ಕಾಲಡ್ ಪೊಣ್ಣು ಪೋದು ಪೊಂಜೊವು ಆನಗ ಆ ಪೊಣ್ಣನ ಕೈಟ್ ಗೆಜ್ಜೆಕತ್ತಿ ಕೊರ್ಪೆದೆರ್..ಅಪಗದ ಕಾಲಡ್ ಪ್ರತಿಯೊಂಜಿ ಪೊಣ್ಣನ ಮಟ್ಟೆಲ್ಡ್ ಗೆಜ್ಜೆತ್ತಿ ಇತ್ತುಂಡು.
ಒಂಜಿ ಕಡೆಟ್ ಗೆಜ್ಜೆಕತ್ತಿ ಮಾನ ಪ್ರಾಣದ ರಕ್ಷಣೆಗಾದ್ ತೂಯಂಡ ಕುಡೊಂಜಿ ಕಡೆಟ್ ಆಸ್ತಿ ಅಧಿಕಾರದ ಸಂಕೇತವಾದ್ಲ ತೂವೊಲಿ...ನಮ್ಮ ಅಳಿಕಟ್ಟುಡ್ ಪೊಣ್ಣಗ್ ಹೆಚ್ಚಿನ ಅಧಿಕಾರ ಅಂಚೆನೆ ಅಪ್ಪೆ ಮಗಲೆಗ್ ಗೆಜ್ಜೆಕತ್ತಿ ಕೊರ್ಪಿನ ರೂಪಡ್ ತನ್ನ ಆಸ್ತಿ ಅಧಿಕಾರನ್ ಮಗಲೆನ ಕೈಟ್ ಕೊರ್ಪೆದೆರು...ನಮ ಇನಿ ನಂಬೊಂದು ಇಪ್ಪುನ ಶಕ್ತಿಲೆನ ಕಥೆತ್ತ ಪಿರಾವುಡ್ಲ ಗೆಜ್ಜೆಕತ್ತಿದ ಮಹತ್ವ ತೂವೊಲಿ ಅಪ್ಪೆ ದೇಯಿ ಬೈದೆತ್ತಿ, ಮಾಯಿಂದಬಾಲೆ,ತನ್ನಿಮಾನಿಗನ ಕೈಟ್ ಗೆಜ್ಜೆಕತ್ತಿ ತೂವರೆ ತಿಕ್ಕುಂಡು,ಆನಿದ ಕಾಲಡ್ ದೇಯಿ ಬೈದೆತಿ ಜಿಂಜಿನ ಬಂಜಿನಾಲ್ ಬಳ್ಲಾಲ್ರೆನ ಇಲ್ಲಗ್ ಮರ್ದ್ ಕೊರ್ರೆ ಪೋನಗ ಅಲೆನ ಮಾಮಿ ಅಲ್ನ ರಕ್ಷಣೆಗಾದ್ ಕೈಟ್ ಗೆಜ್ಜೆಕತ್ತಿ ಕೊರ್ಪುನ ಸಂಗತಿನ್ ತೂವೊಲಿ..ಅಂಚೆನೆ ಪೆದ್ಮದಿ ಪೊಂಜೊವು ಅಪ್ಪೆ ಮಾಯಂದಾಲ್ನ ಕೈಟ್ಲ ತೂವೊಲಿ..
ತನ್ನಿಮಾನಿಗನ ಕತೆತ್ತ ಪಿರವುಡ್ಲ ಗೆಜ್ಜೆಕತ್ತಿ ಮಹತ್ವ ತೂವೊಲಿ... ಅಗ್ಲೆನ ನೇಮದ ಪೊರ್ತುಡ್ ಇನಿಕ್ಲ ಗೆಜ್ಜೆಕತ್ತಿ ಪತ್ತೊನ್ನ ಸಂಪ್ರದಾಯ ಉಂಡು.ಇಂಚ ಪೊಣ್ಣು ಪೋದು ಪೊಂಜೊವು ಆಯಿನ ಪೊಣ್ಣನ ಮಾನ ರಕ್ಷಣೆಗಾದ್,ಬಂಜಿನಾಲ್,ಪೆದ್ಮೆದಿಗ್,ಪುಟ್ಟಿ ಬಾಲೆಗ್ ಗಾಳಿ ಸೋಂಕಂದೆ ಇಪ್ಪಡ್ ಅಗ್ಲೆನ ಮಾನ ಪ್ರಾಣ ರಕ್ಷಣೆಗಾದ್,ಆಸ್ತಿ ಅಧಿಕಾರದ ಸಂಕೇತವಾದ್ ಆನಿದ ಕಾಲಡ್ ಗೆಜ್ಜೆಕತ್ತಿ ಇತ್ತುಂಡು....ಇನಿಕ್ಕ್ ಗೆಜ್ಜೆಕತ್ತಿದ ಜಾಗಗ್ ಪೊಣ್ಣನ ರಕ್ಷಣೆಗಾದ್ ಅವ್ವೆತೊ ಸಂಗತಿಲು ಬೈದ ಅವ್ವ್ ಇನಿತ್ತ ಸಮಾಜೊಡು ಪೊಣ್ಣನ ರಕ್ಷಣೆದ ಬಗೆಟ್ಎಡ್ಡೆ ವಿಷಯನೆ ಆಂಡ ಗೆಜ್ಜೆಕತ್ತಿದ ಮಿತ್ತುದ ಮೂಲನಂಬಿಕೆ ಮೂಢನಂಬಿಕೆ ಆವಂದಿಲೆಕ ಆವಡ್........
ಬರವು ✍🏻
ನಳಿನಿ ಎಸ್ ಸುವರ್ಣ
ಜಾರ್ಕಳ ಮುಂಡ್ಲಿ...
ಮೂಲ ಬರಹ:-ಶೈಲೂ ಬಿರ್ವ ಅಗತ್ತಾಡಿದೋಲ ಬರ್ಕೆ
ಇನಿಕ್ ಮದಿಮೆದ ಇಲ್ಲಡ್ ಮದಿಮಾಲೆನ ಕೈಟ್ ಆವಡ್ ಅತ್ತುಂಡ ಬಂಜಿನಾಲ್,ಪೆದ್ಮೆದಿ ಪೊಂಜೊವುಡ..ತೊಟ್ಟಿಲ್ಡ್ ಕುಂಟುದ ಅಡಿಟ್ ಒಂಜಿ ಕಿನ್ಯ ಕತ್ತಿದಲೆಕನ್ನ ತೂವರೆ ತಿಕ್ಕು..ಅವ್ವೆ ಗೆಜ್ಜೆತ್ತಿ...ಗೆಜ್ಜೆಕತ್ತಿ ಪಂಡ ಅವ್ವ್ ಪೊಣ್ಣನ ಸ್ವ ರಕ್ಷಣೆದ ಸಂಕೇತ...ಇನಿತ್ತ ದಿನಟ್ಪ್ ಪೊಣ್ಣನ ರಕ್ಷಣೆಗಾದ್ ಆಲ್ ಕರಾಟೆ ಕಲ್ಪೊಡು,ಪೆಪ್ಪರ್ ಸ್ಪ್ರೇ ದಿಯೊನೊಡು ಇಂಚೆನೆ ಕೆಲವು ವಿಷಯಲೆನ್ ಆಲ್ನ ರಕ್ಷಣೆದ ಬಗೆಟ್ಟ್ ಯೋಚನೆ ಮಲ್ತೊಂದುಲ್ಲೆರ ಅವೆನ್ ದುಂಬೆ ನಮ್ಮ ಹಿರಿಯಗುಲ್ ಯೋಚನೆ ಮಲ್ದೆರ್..ಅಂಚಾದೆ ಈ ಗೆಜ್ಜೆಕತ್ತಿ...ಪೊಣ್ಣನ ರಕ್ಷಣೆಣ್ ಆಲೆ ಮಲ್ತೊನೊಡು ಪನ್ಪಿನ ಸಂಗತಿನ್ಲ ಮುಲ್ಪ ತೂವೊಲಿ.ದುಂಬುದ ಕಾಲಡ್ ಪೊಣ್ಣು ಪೋದು ಪೊಂಜೊವು ಆನಗ ಆ ಪೊಣ್ಣನ ಕೈಟ್ ಗೆಜ್ಜೆಕತ್ತಿ ಕೊರ್ಪೆದೆರ್..ಅಪಗದ ಕಾಲಡ್ ಪ್ರತಿಯೊಂಜಿ ಪೊಣ್ಣನ ಮಟ್ಟೆಲ್ಡ್ ಗೆಜ್ಜೆತ್ತಿ ಇತ್ತುಂಡು.
ಒಂಜಿ ಕಡೆಟ್ ಗೆಜ್ಜೆಕತ್ತಿ ಮಾನ ಪ್ರಾಣದ ರಕ್ಷಣೆಗಾದ್ ತೂಯಂಡ ಕುಡೊಂಜಿ ಕಡೆಟ್ ಆಸ್ತಿ ಅಧಿಕಾರದ ಸಂಕೇತವಾದ್ಲ ತೂವೊಲಿ...ನಮ್ಮ ಅಳಿಕಟ್ಟುಡ್ ಪೊಣ್ಣಗ್ ಹೆಚ್ಚಿನ ಅಧಿಕಾರ ಅಂಚೆನೆ ಅಪ್ಪೆ ಮಗಲೆಗ್ ಗೆಜ್ಜೆಕತ್ತಿ ಕೊರ್ಪಿನ ರೂಪಡ್ ತನ್ನ ಆಸ್ತಿ ಅಧಿಕಾರನ್ ಮಗಲೆನ ಕೈಟ್ ಕೊರ್ಪೆದೆರು...ನಮ ಇನಿ ನಂಬೊಂದು ಇಪ್ಪುನ ಶಕ್ತಿಲೆನ ಕಥೆತ್ತ ಪಿರಾವುಡ್ಲ ಗೆಜ್ಜೆಕತ್ತಿದ ಮಹತ್ವ ತೂವೊಲಿ ಅಪ್ಪೆ ದೇಯಿ ಬೈದೆತ್ತಿ, ಮಾಯಿಂದಬಾಲೆ,ತನ್ನಿಮಾನಿಗನ ಕೈಟ್ ಗೆಜ್ಜೆಕತ್ತಿ ತೂವರೆ ತಿಕ್ಕುಂಡು,ಆನಿದ ಕಾಲಡ್ ದೇಯಿ ಬೈದೆತಿ ಜಿಂಜಿನ ಬಂಜಿನಾಲ್ ಬಳ್ಲಾಲ್ರೆನ ಇಲ್ಲಗ್ ಮರ್ದ್ ಕೊರ್ರೆ ಪೋನಗ ಅಲೆನ ಮಾಮಿ ಅಲ್ನ ರಕ್ಷಣೆಗಾದ್ ಕೈಟ್ ಗೆಜ್ಜೆಕತ್ತಿ ಕೊರ್ಪುನ ಸಂಗತಿನ್ ತೂವೊಲಿ..ಅಂಚೆನೆ ಪೆದ್ಮದಿ ಪೊಂಜೊವು ಅಪ್ಪೆ ಮಾಯಂದಾಲ್ನ ಕೈಟ್ಲ ತೂವೊಲಿ..
ತನ್ನಿಮಾನಿಗನ ಕತೆತ್ತ ಪಿರವುಡ್ಲ ಗೆಜ್ಜೆಕತ್ತಿ ಮಹತ್ವ ತೂವೊಲಿ... ಅಗ್ಲೆನ ನೇಮದ ಪೊರ್ತುಡ್ ಇನಿಕ್ಲ ಗೆಜ್ಜೆಕತ್ತಿ ಪತ್ತೊನ್ನ ಸಂಪ್ರದಾಯ ಉಂಡು.ಇಂಚ ಪೊಣ್ಣು ಪೋದು ಪೊಂಜೊವು ಆಯಿನ ಪೊಣ್ಣನ ಮಾನ ರಕ್ಷಣೆಗಾದ್,ಬಂಜಿನಾಲ್,ಪೆದ್ಮೆದಿಗ್,ಪುಟ್ಟಿ ಬಾಲೆಗ್ ಗಾಳಿ ಸೋಂಕಂದೆ ಇಪ್ಪಡ್ ಅಗ್ಲೆನ ಮಾನ ಪ್ರಾಣ ರಕ್ಷಣೆಗಾದ್,ಆಸ್ತಿ ಅಧಿಕಾರದ ಸಂಕೇತವಾದ್ ಆನಿದ ಕಾಲಡ್ ಗೆಜ್ಜೆಕತ್ತಿ ಇತ್ತುಂಡು....ಇನಿಕ್ಕ್ ಗೆಜ್ಜೆಕತ್ತಿದ ಜಾಗಗ್ ಪೊಣ್ಣನ ರಕ್ಷಣೆಗಾದ್ ಅವ್ವೆತೊ ಸಂಗತಿಲು ಬೈದ ಅವ್ವ್ ಇನಿತ್ತ ಸಮಾಜೊಡು ಪೊಣ್ಣನ ರಕ್ಷಣೆದ ಬಗೆಟ್ಎಡ್ಡೆ ವಿಷಯನೆ ಆಂಡ ಗೆಜ್ಜೆಕತ್ತಿದ ಮಿತ್ತುದ ಮೂಲನಂಬಿಕೆ ಮೂಢನಂಬಿಕೆ ಆವಂದಿಲೆಕ ಆವಡ್........
ಬರವು ✍🏻
ನಳಿನಿ ಎಸ್ ಸುವರ್ಣ
ಜಾರ್ಕಳ ಮುಂಡ್ಲಿ...
0 comments: