ನಾಟಿ_ವಿದ್ಯೆಡು_ಪುಗರ್ತೆ_ಪಡೆಯಿನ_ಮುಜಿನ_ಬರ್ಕೆದ ತಿಮ್ಮಪ್ಪ_ಅಂಚನೆರ್ 😍

#ನಾಟಿ_ವಿದ್ಯೆಡು_ಪುಗರ್ತೆ_ಪಡೆಯಿನ_ಮುಜಿನ_ಬರ್ಕೆದ

#ತಿಮ್ಮಪ್ಪ_ಅಂಚನೆರ್ 😍

ಮೆರ್ನ ಪುದರ್ ತಿಮ್ಮಪ್ಪ ಅಂಚನ್, ದ.ಕ. ಜಿಲ್ಲೆದ ಇತ್ತೆದ ಬೆದ್ರ ತಾಲೂಕುದ ಪುಚ್ಚಮೊಗರು ಗ್ರಾಮದ ಮುಜಿನ ಬರ್ಕೆಡ್ ಮುದರ ಪೂಜಾರಿ ಬೊಕ್ಕ ಸುಂದರಿ ಅಂಚನ್ ದಂಪತಿಲೆನ ಐನ್'ನೇ ಮಗೆಯಾದ್ 1972ನೇ ಇಸವಿಡ್ ಪುಟ್ಟಿನ ಮೇರ್, ಕೈತಲ್ದ ಇರುವೈಲು ಶಾಲೆಡ್ 4ನೇ ಕ್ಲಾಸ್ ಮಟ್ಟ ಕಲ್ತ್'ದ್ ಅಮ್ಮೆರ್ ಮಲ್ತೊಂತಿ ನಾಟಿ ವೈದ್ಯೋಡು ಪುದರ್ ಪಡೆಯಿನ ವ್ಯಕ್ತಿ,

ರಾಜಂದೈವ ಕೊಡಮಂದಾಯೆ ನಂಬಿ ಇಲ್ಲ್ ಮುಜಿನ ಬರ್ಕೆದ ಪೆರ್ಮೆದ ಮಣ್ಣ್'ಡ್ ಹಿರಿಯ ಪೆರಿಯಾಕ್ಲೆ ಕಾಲಡ್ದ್ ನಾಟಿ ವೈದ್ಯ ಪದ್ಧತಿ ಇತ್ತ್ಂಡ್. ಅಜ್ಜೆರ್ ಐತಪ್ಪ ಪೂಜಾರಿ(ತಾಯಿಯ ತಂದೆ), ಲೋಕಯ್ಯ ಪೂಜಾರಿ(ತಂದೆಯ ತಂದೆ), ಅಮ್ಮೆರ್ ಮುದರ ಪೂಜಾರ್ಲೆಡ್ದ್ ಬೊಕ್ಕ ತಿಮ್ಮಪ್ಪ ಪೂಜಾರ್ಲು ಮರ್ದ್ ಅರೆದ್ ಹಿರಿಯಾಕ್ಲೆ ತಾದಿಡ್ ಇನಿಕ್ಲಾ ಕಾಯಕೊನು ಒರಿಪಾದೆರ್ ಪಂಡ ಬಿರುವೆರೆಗ್ ಪೆರ್ಮೆದ ಇಚಾರ...

ಮುಜಿನ ಬರ್ಕೆ ಪಂಡ ಬಾರಿ ಪಿರಾಕ್'ದ ಕಾಲಡೇ ನಾರ್, ಬೇರ್, ಕೆತ್ತೆ, ತಪ್ಪುಲೆನ ಗುರ್ತ ಪೊಲಪು ಪತ್ತಿನ ಮಣ್ಣ್ಂದೆ ಪುಗಾರ್ತೆ ಇತ್ತ್ಂಡ್, ತಿಮ್ಮಪ್ಪೆರ್ ಆರೆನ ಅಮ್ಮೆರ್ ತತ್ತಿ ಕಾಲೊಗು ನಾಟಿ ಬೈದ್ಯ ಕಜ್ಜೊನು ಮುಂದರ್ತೊಂದು ಬತ್ತೆರ್, ಕಂಜಿ ಕೈಕಂಜಿಗ್ ಕಾರ್ ತುಂಡಾಂಡ, ಪಾರೆ ಜಾರ್‌ಂಡ ಮರ್ದ್ ಕೊರ್ಪೆರ್, ಅವ್ ಅತ್ತಂದೆ ಜನಮಾಣಿಲೆಗ್ ತರೆ ಕೂಜಲ್ ತಾಲುನೆಕ್ಕ್, ಬೆರು ಮೇಪುನೆಕ್ಕ್ ಎಣ್ಣೆ, ಬೊಕ್ಕ ಬಂಜಿ ಬೇನೆಗ್ ಕಷಾಯ, ಆತೆ ಅತ್ತಂದೆ ವಾತದ ಸೀಕ್'ಗ್, ಮಂಜಲ್ ಸೀಕ್‌ ಇಂಚ ಅವ್ವೇತೋ ನಮುನೆ ನಮುನೆದ ಕಾಯಿಲೆಗ್ ಮರ್ದ್ ಅಡ್ಪೆರ್,

ತಾನ್ ಮಲ್ಪುನ ಈ ಸೇವೆಗ್ ಪಡಿ ಪಣವು ಕೇನುನ ಕ್ರಮ ಇಜ್ಜಿ, ದುಂಬುದ ಕಾಲೊಡು ಸೀಕ್ ಗುಣ ಆಂಡ ಒಂಜಿ ಕೋರಿಲ ದೈವೊಗು ಒಂಜಿ ಚೆಂಡ್ ಮಲ್ಲಿಗೆಲ ಕೊರ್ಪಿನ ಕ್ರಮ ಇತ್ತ್ಂಡ್... ಇತ್ತೆ ಜನಕುಲು ಕೈಯಾರೆ ಕೊರಿನ ಪಣವುನೇ ಪರ್ವತಂದ್ ಉದಾರವಾದ್ ಸ್ವೀಕಾರ ಮಲ್ಪುನ ಮಲ್ಲ ಮನಸ್ದ ತಿಮ್ಮಪ್ಪ ಪೂಜರ್ಲು, ಕಂಡ, ಬೆನ್ನಿ ಸಾಗೋಲಿ ಪಂದ್ ಎಲ್ಯ ಮಟ್ಟ್'ದ ಕೃಷಿ ಮಂತ್ತೋಂದು ಬೇನೆ ಬೆಸರ್‌ಡ್ ಬತ್ತಿನ ಜನಮಾನಿಲೆಗೆ ಕಣ್ಣನೀರ್ ಒಚ್ಚೊಂದು ಇಪ್ಪುನ ವ್ಯಕ್ತಿಯಾದ್, ಶಕ್ತಿಯಾದ್ ತಿಮ್ಮಪ್ಪನ್ನೆ ನನ ದುಂಬಗ್ಲ ಇಂಚೆನೆ ಈರ್ನ ನಾಟಿ ವೈದ್ಯ ಜೀವನ ಇಂಚೆನೆ ಉಜ್ವಲವಾದ್ ಇಪ್ಪಡ್ ಪಂದ್ ಮಣ್ಣ್'ಡ್ ನಿಲೆಯಾತಿ ದೈವ ದೇವೆರೆಡ ನಟ್ಟೋನುವ

ಇಚಾರ ದಾಲ ಕೇನ್ಯೆರೆ ಇತ್ತ್ಂಡ ಅರೆಡ ಪಾತೆರ್ಲೆ.

ತಿಮ್ಮಪ್ಪ ಅಂಚನ್ :- 9449355605

✍🏻ಸಂತೋಷ್ ಎಂ. ಪುಚ್ಚೇರಿ